In the west of an island there is a parish i know
I am the one to tell yuh cause that′s where i grow
Nuf money deh deh but eeh juss nah show
Tourism a florish while to ghetto dem a perish
No No no, free up di ting weh gi wi more pon more
Granville to Tucka nuh lef out Pitfore
Sam Sharpe Square nah deal wid fair
Suh rebel wi a rebel til unuh draw new gear
Decorate wid flowers weh wi family go walk
Clean up di garbage outa di city
Di public facilities fi more sanitary
A bigger stand Teata very necessary
Where is di futcha fi di yutes mi nuh si any
But mi notice di gunshot a buss many many
Tink a lie den go ask major LLoyd ar Lenny
When last unuh clean out di drain inna gully
Duh tell nuh lie iyan station wi bun eeh
Wi very frendly but ah nuh all a wi funny
Tell mi why di vendaz nah mek nuh money
Free up di tourist dem outa di hotel
Mek di people dem ina di craft markit get fi sell
Low dump-up beach fi di poor people dem
Show Mobay some luv unuh stop from preten
Saint James Street narrow like trench
Nose haffi caaulk up cawn tek di stench
A fiyah muma place suh wi haffi represent
Lang time wi a suffa mek wi mek a statement